IPL 2018: నాలుగో ఆటగాడిగా శ్రేయాస్ అయ్యర్

The outing left Shreyas Iyer a chuffed man. "Obviously, a great feeling getting on the winning side. It is an amazing feeling winning my first game as a skipper. All of us contributed for this win. We wanted to bowl first. So, a nice toss to lose. It gave the batsman the freedom to express themselves," said Shreyas.
ఐపీఎల్ 11వ సీజన్‌లో వరుస పరాజయాలకు నైతిక బాధ్యత వహిస్తూ ఢిల్లీ డేర్‌డెవిల్స్‌ కెప్టెన్‌గా గౌతమ్ గంభీర్‌ వైదొలగడంతో జట్టు యాజమాన్యం శ్రేయాస్ అయ్యర్‌కు కెప్టెన్సీ బాధ్యతలు అప్పగించిన సంగతి తెలిసిందే. దీంతో టోర్నీలో భాగంగా శుక్రవారం రాత్రి కోల్‌కతాతో జరిగిన మ్యాచ్‌లో ఢిల్లీకి అయ్యర్‌ కెప్టెన్‌గా వ్యవహరించాడు.
అయితే, అయ్యర్‌ కెప్టెన్‌గా వ్యవహరించిన తొలి మ్యాచ్‌లోనే శ్రేయస్‌ అయ్యర్‌ అద్భుత ప్రదర్శన చేశాడు. 40 బంతుల్లో 3 ఫోర్లు, 10 సిక్సర్లతో అజేయంగా 93 పరుగులు చేశాడు. తద్వారా ఐపీఎల్‌ చరిత్రలో కెప్టెన్‌గా వ్యహరించిన తొలి మ్యాచ్‌లోనే హాఫ్‌ సెంచరీ సాధించిన నాలుగో క్రికెటర్‌గా అయ్యర్‌ అరుధైన ఘనత సాధించాడు.
గతంలో 2008లో గిల్‌ క్రిస్ట్‌(డెక్కన్‌ చార్జర్స్‌), 2013లో అరోన్‌ ఫించ్‌(పుణె వారియర్స్‌), 2016లో మురళీ విజయ్‌(కింగ్స్‌ పంజాబ్‌)లు కెప్టెన్లుగా వ్యవహరించిన తొలి మ్యాచ్‌లోనే హాఫ్‌ సెంచరీలు సాధించిన క్రికెటర్లుగా ఉన్నారు. ఇక్కడ ఇంకొక విశేషం ఉంది. ఐపీఎల్‌లో తాను కెప్టెన్‌గా వ్యవహరించిన తొలి మ్యాచ్‌లో అత్యధిక వ్యక్తిగత స్కోరుని అయ్యర్ నమోదు చేశాడు.

#IPL 2018
#Shreyas Iyer
#Kolkata knight riders
#Delhi daredevils