పవన్ వ్యూహాలు ఏంటి? | Oneindia Telugu

What is the view or opinion of Janasena Chief Pawan Kalyan about BJP, TDP and YCP? What is his thinking on these parties? What Pawan going to announce in the Janasena Formation Day meeting which is going to held on 14th at Guntur? These are the questions or doubts romaming here and then. Janasena Chief Pawan Kalyan only can answer these questions. Will he do that in that meeting?

జనసేన పార్టీ స్థాపించి నాలుగేళ్లు పూర్తి కావస్తోంది. ఈనెల 14న ఆ పార్టీ ఐదో వార్షికోత్సవం జరుపుకోబోతోంది. ఈ సందర్భాన్ని పురస్కరించుకుని తొలిసారిగా జనసేన పార్టీ ఆవిర్భావ సభను 14న గుంటూరులో నిర్వహించబోతున్నారు.
దీనికోసం వందలాది బస్సులు ఏర్పాటు చేయబోతున్నారని చెప్పుకుంటున్నారు. ప్రతి నియోజకవర్గం నుంచి ప్రతినిధులు ఉండేలా చూస్తారట. ఈ ఆవిర్భావ సభకు కనీసం 5 లక్షల మంది హాజరవుతారని జనసేన వర్గాలు భావిస్తున్నాయి.
అటు బీజేపీతోపాటు ఇటు టీడీపీ, వైసీపీలపై కూడా తనదైశ శైలిలో మాట్లాడేందుకు జనసేనని పవన్ కళ్యాణ్ సిద్ధమవుతున్నట్లు తెలుస్తోంది. గుంటూరులో ఈనెల 14న జరిగే జనసేన తొలి ఆవిర్భావ సభలో ఆయన తన అభిప్రాయాలను కుండబద్దలు కొట్టబోతున్నారు. ఇంకా అనేక అంశాలకు సంబంధించి పలు వర్గాల నుంచి తనకు వస్తున్న ప్రశ్నలకు పవన్ కళ్యాణ్ పూర్తి క్లారిటీ ఇవ్వనున్నట్లు సమాచారం.
2014 ఎన్నికల్లో బీజేపీ-టీడీపీ కూటమికి జనసేన అధ్యక్షుడు పవన్ కళ్యాణ్ మద్దతు ఇచ్చారు. ప్రత్యేక హోదాతోపాటు, పలు ఇతర సమస్యల పరిష్కరంలో తనపై బాధ్యత అధికంగా ఉందని ఆయన అభిప్రాయపడుతున్నారు. మరోవైపు విభజన హామీల అమలు కోసం న్యాయపోరాటం కూడా చేయాలని పవన్ ఆలోచిస్తున్నట్లు సమాచారం. ఈ క్రమంలో పార్టీ ఆవిర్భావ సభలో ప్రత్యేక హోదా, కేంద్ర, రాష్ట్ర ప్రభుత్వాల వైఖరి, విపక్ష వైసీపీపై ఆయన ఘాటుగానే స్పందించే అవకాశమున్నట్లు ఆ పార్టీ వర్గాలు పేర్కొంటున్నాయి.
పార్టీ ఆవిర్భావ సభలో పవన్ చేసే ప్రకటన కోసం జనసేన నాయకులు, కార్యకర్తలు ఆసక్తిగా ఎదురుచూస్తున్నారు. ఈ నేపథ్యంలో తనపై వెల్లువెత్తుతున్న ప్రశ్నలు, పార్టీ రాజకీయ భవిష్యత్తు, బీజేపీ- టీడీపీపై పార్టీ వైఖరి, ప్రత్యేక హోదా, విభజన హామీల అమలు... ఇలా అన్ని అంశాలపైనా 14న నిర్వహించే ఆవిర్భావ సభలో పవన్‌కల్యాణ్ ఒక స్పష్టత ఇవ్వనున్నారని అంటున్నారు. ఈ నేపథ్యంలో జనసేన ఆవిర్భావ సభపై రాజకీయవర్గాల్లో అమితాసక్తి నెలకొంది.